علق ” علي لطفي” حارس مرمي الفريق الأول لكرة القدم بالنادي الأهلي عن رحيله عن المارد الأحمر ،وانضمامه لفريق زد الصاعد حديثا للدوري الممتاز.
ونشر لطفي عبر حسابه الرسمي علي موقع التواصل الاجتماعي فيس بوك قائلاً:” مش عارف ابدأ منين ولا منين بس جوايا مشاعر مش عارف اعبر عنها النهارده اخر يوم ليا في النادي الي كان حلم حياتي اني العب فيه من اول ما بدأت العب كوره”.
وتابع:” النادي الي قضيت جواه احسن ٦ سنين في حياتي حققت في بطولات و انجازات هتفضل وسام علي صدري ٦ سنين شوفت فيهم كل الحب و الاحترام من كل فرد في منظومة النادي الاهلي ويعلم ربنا اني مقصرتش يوم في حق النادي ٦ سنين كان نفسي يبقوا ٣٠ سنه بس دي سنة الحياه”.
واختتم :” حابب اشكر ادارة النادي بقيادة الاسطوره محمود الخطيب انه تفهم موقفي اني حابب اطلع و اشارك لان التواجد في الملعب هي الحاجه الوحيده الي ممكن ترضي اي لاعيب كوره ومكنتش هفكر اسيب النادي الاهلي الا لما الاقي مشروع كروي كبير يرتقي لطموحاتي الي اتعودت عليها جوه النادي الاهلي ولقيت كل الي بدور عليه في منظومة نادي ZED المحترمه و المحترفه بما تحمل الكلمه من معاني والله الموفق و المستعان و نسألكم الدعاء بالتوفيق و السداد”.
